تكات وخبايا نجاح كيكة الفراولة بالصور خطوة بخطوة

طريقة عمل صوص الفرولة لعمل الكيك 

اول حاجة عملت صوص فرولة ٢ كوب عصير فروالة من غير ماية عليهم نص كوب سكر علي النار لما يغلي كويس
تنزلي عليهم معلقة نشا مدوباه في شوية ماية وتقلبي كويس لما يتقل شويه هتطفي وهتسيبيه يبرد خالص
الكيك بقا 

المقادير 

2 بيضة .. فانيليا
نص كوب سكر ... نص كوب زيت
نص كوب زبادي ... كوب صوص فروالة الي عملنا في الاول
٢ كوب الا ربع دقيق .. معلقة ونص بيكنج بودر

الطريقة عمل الكيك 

.. نضرب البيض والسكر كويس
.. نضيف الزيت والزبادي وصوص الفرولة ونكمل ضرب
... اخر حاجة هنضيف الدقيق والبيكنج بودر ونخلطهم كويس وتصبيه في القالب
... دخليها الفرن علي 180 بتاخد ٣٠ دقيقة تقريبا

الصوص الي علي الوش
باقي الصوص الي عملنا منه الكيك كان كوب وضيفت عليه نص كوب كريمة خفق
وممكن تستخدموه زي ما هو متضيفيش كريمة زي ما تحبو
حاجة تانية برضو الكيك ممكن تعملوه بكوب عصير فراولة من غير ماية بدل الصوص
انا عملتها بصوص اصلا لانه كان عندي  فقولت اعمل بيه بدل ما اعمل عصير فروالة تاني للكيك ولو هنعملها بعصير الفروالة نخلي السكر كوب الا ربع مش نص كوب لاني كنت بقلل السكر عشان الصوص في سكر