البرياني هو طبق من اللحم والخضروات المطهيه على الأرز وتُسـتخدم في طهيه خلطة بهـارات هندية. هو إسـم يُطلق في شبه قارة الهند على الأرز الذي يُطهى بطرق مخصـوصـة وتُسـتخدم في طهيه بهـارات البريـاني الهنديّة.
المكونات:
كوبين رز بسمتى مغسول ومنقوع نص ساعة
- دجاج مقطع على 8
- حبهان - قرنفل - ورق
لورا - قرفة خشب - جنزبيل فريش مفروم -
معلقة صغيرة توم مفروم - معلقة كبيرة كركم
- كارى - كمون - زعفران منقوع فى شوية مية "اختيارى"
- معلقة زبده - كوب زبادى - بصل جوانح - طماطم مقطعة صغير -
كسبرة مقطعة - قرن شطة
طريقة التحضير
بنرفع الحلة على النار وننزل بالبهارات الناشفة تتحمص من غير زيت - بعد كدا ننزل عليها بالزيت واول ما يسخن ننزل بالفراخ لحد لون الفراخ ما يبيض
عد كدا ننزل بالبصل والتوم والجنزبيل المفروم وبعد ما يتشوح ننزل بالبهارات المطحونة والملح
بعد الفراخ ما يبقى لونها كدا انا نزلت معاها بشوية بسلة وجزر لأنى بحبهم ... وننزل عليهم بالطماطم والكسبرة
ننزل بكباية الزبادى ونقلب كل الكلام الجميل دا ونوطى النار عليه ونسيبه يتكتك مع بعضه ونروح للرز
الرز بقى عارف ان معظم الناس ممكن تستغرب الكلام لكن بجد دى اول مرة اعمل الرز كدا وكان وهمى وحبايته طولت وبقى جميل جدا ... بنجيب حلة كدا نملاها مية ونسخنها وبعد كدا ننزل الرز المنقوع دا يتسلق زى المكرونة ... ايوا زى المكرونة 
... وبعد كدا نشوفه لو استوى بنسبة 80% ننزله فى مصفة ونصفيه من المية
... وبعد كدا نشوفه لو استوى بنسبة 80% ننزله فى مصفة ونصفيه من المية
نجيب حلة ننزل فيها بنص كمية الرز وبعد كدا خليط الفراخ وبعد كدا نص الرز التانى ومن غير مية
ننزل الزعفران المنقوع دا ومعلقة الزبدة نوزعها على الرز من فوق
ونقفل عليها بالفويل بالمنظر دا وعلى اقل نار ممكنة ونسيبه يكمل سواه .. ممكن نص ساعة مثلا ... خلى بالك وانت بتفتحه عشان كمية بخار جميلة
ليست هناك تعليقات:
إرسال تعليق